Biz haqimizda

Geoaxborot.uz — geoaxborot tizimlari (GIS), kartografiya, masofadan zondlash va Python GIS bo'yicha o'zbek tilidagi bepul ta'lim resursi. Saytdagi barcha maqolalar va video darslar ochiq — ro'yxatdan o'tish ham, to'lov ham talab qilinmaydi.

Nima uchun bu sayt kerak?

GIS va masofadan zondlash bo'yicha sifatli materiallar asosan ingliz va rus tillarida. O'zbek tilida esa tizimli, ketma-ket o'rganish mumkin bo'lgan manba deyarli yo'q edi. Geoaxborot.uz shu bo'shliqni to'ldirish uchun yaratildi: har bir maqola oldingisiga tayanadi, atamalar o'zbekcha izohlanadi va nazariya amaliy video darslar bilan mustahkamlanadi.

Saytda nima bor?

• Nazariy maqolalar — 4 yo'nalishda: geoaxborot tizimlari, kartografiya, masofadan zondlash va Python GIS. Sodda tilda, akademik aniqlik bilan yozilgan.
• 52 ta video dars — ArcGIS Desktop, ArcGIS Pro, Landsat 8 tasvirlari bilan ishlash va Google Earth Engine bo'yicha bosqichma-bosqich amaliy kurslar.

Muallif

Saytni geoaxborot tizimlari sohasida faoliyat yurituvchi mutaxassis yuritadi. Barcha video darslar muallifning o'z tajribasi asosida, real dasturlarda (ArcGIS, QGIS, Google Earth Engine) bajarib ko'rsatilgan holda tayyorlanadi. Maqolalardagi xatolik yoki aniqlashtirish kerak bo'lgan joylarni aloqa sahifasi orqali bildirishingiz mumkin — ular tez orada tuzatiladi.

Materiallardan foydalanish

Maqolalardan ta'lim maqsadida foydalanish mumkin — manba sifatida Geoaxborot.uz'ga havola qoldirishingizni so'raymiz. O'qituvchi bo'lsangiz va saytdan o'quv jarayonida foydalanmoqchi bo'lsangiz, biz bilan bog'laning — hamkorlikka ochigmiz.